۱ی رەزبەری ساڵی ۱۳۹۹ ھەتاوی
آموزش وردپرس

‌ڕێگریی کۆمیسیۆنی پزیشکی له‌ ناردنی کچانی شیناوا بۆ چاره‌سه‌ری پزیشکی بۆ  ده‌ره‌‌وه‌ی وڵات

کۆمیسیۆنی پزیشکی ڕێگریی له‌ ناردنی کچانی شیناوا بۆ چاره‌سه‌ری پزیشکی بۆ  ده‌ره‌‌وه‌ی وڵات کردوه‌.

حوسین ئه‌حمه‌دی‌نیاز، پارێزه‌ری کچه‌ سووتاوه‌کانی قوتابخانه‌ی شیناوای پیرانشار ڕایگه‌یاند ناردنی ئه‌و کچانه‌ بۆ چاره‌سه‌ری پزیشکی بۆ ده‌ره‌وه‌ی وڵات ‌ له‌لایه‌ن کۆمیسیۆنی پزیشکییه‌وه‌ ڕه‌دکراوه‌ته‌وه‌ و شێوه‌ی پیڕاگه‌یشتن به‌ په‌روه‌نده‌ی ئه‌و کچانه‌ جێی شه‌رمه‌زارییه‌‌.

کوبوونه‌وه‌ی کۆمیسیۆنی کچانی شیناوا ڕۆژی سێشه‌ممه‌ ۲۹ی جۆزه‌ردان به‌به‌شداریی پزیشکانی پسپۆڕ، قوتابیان و دایک و باوکیان و هه‌روه‌ها پارێزه‌ره‌که‌یان له‌تاران به‌رێوه‌چوو.

ڕۆژی ۱۵ی سه‌رماوه‌زی ساڵی ۱۳۹۱ له‌ قوتابخانه‌ی کچانی شیناوا له‌ پیرانشار سۆبه‌ی نه‌وتیی یه‌کێک له‌ پۆله‌کان ئاوری گرت و له‌و ڕووداوه‌دا ۲۹ قوتابی سووتان و دوو له‌وان گیانیان له‌ده‌ست دا، و قامکه‌کانی سێ که‌س له‌وان به‌هۆی سه‌ختیی برینه‌کانیان و سه‌رکه‌وتوونه‌بوونی نه‌شته‌رگه‌ریی لکاندنه‌وه‌ بردرانه‌وه‌.

ئه‌حمه‌دی نیاز دوای کوتایی کۆبوونه‌وه‌ی کۆمیسیۆنی پزیشکی ڕایگه‌یاند که‌ ناردنی ئه‌و کچه‌ زامدارانه‌ بۆ‌ ده‌ره‌وه‌ی وڵات زه‌حمه‌ته‌ و هۆکاری دژایه‌تیی بڕیاری کۆمیسیۆنی پزیشکیی بۆ ئه‌وه‌ گه‌ڕانه‌وه‌ که‌ ئه‌وان ڕایان وایه‌ له‌ نێوخۆی وڵات ده‌ره‌تانی ده‌رمان و چاره‌سه‌رییان هه‌یه‌.

ئه‌و پارێزه‌ره‌ کورده‌ گوتی ڕه‌وتی ده‌رمانی ئه‌و کچانه‌ ۱۵ ساڵ ده‌خایه‌نێ و به‌مجۆره‌ ئه‌وان هه‌موو منداڵی و لاوه‌تێی خۆیان له‌ کیس ده‌چێ.

حوسین ئه‌حمه‌دنیاز داوای له‌ حه‌سه‌ن قازی‌زاده،‌ وه‌زیری ته‌ندروستی کرد به‌پێی ئه‌و به‌لێنییه‌ی ڕه‌شه‌مه‌ی ساڵی ۱۳۹۶ بۆ ناردنی کچانی شیناوێ بۆ ده‌ره‌وه‌ی وڵاتی دابوو، جێبه‌جێی بکا.

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *